ZALEN Nov 13, 2025: Pathian thu hriltu ropui Mitdel Zadawla chu mitdel awm lohna Van khawpuiah a haw ta.

Synod Hospital, Nephrology Ward Durtlang chuan nizan dar 11:00 khan thuchhuah siamin, thla hnih a kum 90 la tling lo Evan Zadawla kum 89, mitdel, Synod Revival Speaker chu tunah hian a thaw lo tawpin, rawng a bawlsak thin Lalpa hnenah chawl tawh turin a lei taksa chu van kohna a chhansan mek a ni tih an tarlang a. Tui taka muhilin a thaw a muang riai a, Doctor leh Nurse ten theih tawp chhuaha kohkir an tum chungin, A Lalpa hnena haw tawh tur chu an chelh ding zo ta lo a ni tiiin Mitdel awm tawh lohna khawpui, hmaichhana Lal Isua hmua hlim taka chatuana chawl tawh turin a lei taksa a thlah ta. Thlamuang takin a chawl ta tiin an thuchhuahah chuan an tarlang a ni.

Evan Zadawla ruang hi a chenna Saron veng Taitesens Section ah tlaivarpui a ni a, vawiin chhun dar 1:00 hian Saron veng Presbyterian Kohhran Biak In Jubilee Hall-ah vuina inkhawm neih a ni anga, Pastor F Lalhmingthanga'n a vui dawn a ni.

#ZalenNews