ZALEN, Aug. 25, 2026: Nimin tlai dar 6 vel khan bike leh truck insu-ah kum 46 mi, Lalramthlira, Kawlkulh khua a thi.

ZALEN thudawn danin Lalramthlira hi Dulte atanga an khaw pana tlan niin Silchar atanga dawr bungraw dah haw lam, Aizawl pana tlan 407 truck, MZ-06/8783 nen insuin a hmunah a thi nghal a ni.

Lalramthlira hi Saituala mitthi vuia kal a ni a, an khaw mi tho, Vanlaltluangi phurin ani pawh hian hliam tuarin Kawlkulh Primary Health Centre-ah first aid pek a nih hnuah Aizawla inkawl zui tura thawn a ni.

An chetsualna hmunah hian Khawzawl Police kal nghalin thil tulte an buaipui hnuah Lalramthlira ruang hi an khua panpui a ni a. Nizan khan lumenpui niin post mortem hnuah vawiin chhun dar 11 khan vui a ni.