Mizo film chhuak thar a awm leh dawn ta - tun tum chu action-tragedy-thriller lam a ni ve thung dawn e. FADYO Picture's Production kut chhuak 'Tawki' a ni a, July 28 zanah tlangzarh a ni ang. 
 
Mizo film-ah chuan action-tragedy-thriller lam hmuh tur a tam lo a, 'Tawki' erawh he lam hawi hi a nih dawn avangin a nghahhlehawm hle. He film-ah hian pafaa zin, pa ber boral thut avanga unaua vakvai, a nau tawng thei lo nena harsatna tam tak paltlangtu, Tawki phuba lakna chanchin ngaihnawm tak kan hmu dawn a ni.

Florence Vanlalhriatzuali chuan leading role a play dawn a, eng tiang chiaha thiam nge a nih hmuh theihin a awm thuai dawn e. 'Tawki' film hi Mizo film-a sulhnu neilian ber pawl leh a hun laia Mizo film hit ber berte lo siam tawh thintu, C.Hmingthangvunga siam a ni - a hmuhnawm loh rong suh. 

He film theme song/OST chu Mizo Idol lamaa kan lo hmelhriat tawh, Angela Mawlsawmpari'n a rawn sa a, a music video hi YouTube-ah en theih a ni thuai dawn e.