ZALEN June 3, 2024; Mizo pa IT Company Lushai Technologies & Consulting (LushAITech) siam chhuah Mizo Generative Artificial Intelligence (AI) hmasa ber 'kaihruaitu' leh 'Gov.AI' te chu tlangzarh a ni.

LushAITech kut chhuak Generative AI hi LPS neitu, Govt Hrangbana College Principal hlui Lalrochuanga Pachuau chuan zanin dar 8 khan a tlangzarh a, tlangzarhna hi LPS 1 leh LPS Youtube Channel ah pek chhuah a ni a, tlangzarhna TV show ah hian AI product sawizauna neih tel a ni bawk.

Heng product pahnih te hi Mizo tawng veka hman theih a ni a, 'kaihruaitu' hi rilru lama harsatna nei, mangang leh lungngaitue tanpui thei tura siam a ni a, 'Gov.AI' hi Sawrkar Public Information pawimawh mipuite tana awlsam taka hriat theihna leh zawhna zawh theihna a ni.

Mizo GenAI hmasa ber siam chhuaktu LushAITech Company hi Mizo IT Professionals, Multi National Company a kum 10 chuan experience nei tawhte din a ni a, tunlai IT lar tak Artificial Intelligence leh Cloud Computing Technologu lama thiamna nei leh AI leh Cloud lama software development experience neite an ni a. He Company hian a tum ber chu Mizo Ṭhalaite AI leh Cloud Technologies lama thiamna hlanchhawn leh zirtîr bakah kan ram (Mizoram) in a lo hman tangkai theih tür Software product siam chhuah a ni.

https://www.lushaitech.com

https://kaihruaitu.lushaitech.com/