Mizo Dance Camp chuan June 26-28 inkar hian ‘The Main Event’ an buatsaih leh dawn. He hunah hian - Hei Raw Dance Competition, Showdown Dance Battle, National Dance Workshop leh Showcase te neih a ni ang. A hmun tur hi Dawrpui Multipurpose Centre a ni.

Mizo Dance Camp hi May 31, 2014 khan din a ni a, kumin hi an din kum 10-na a ni. A lawmna ni pah fawmin Showcase ropui tak chhawpchhuah tumin hma an la mek. Dance Competition leh Showdown Dance Battle-ah hian lam lama tuite chu tel turin an sawm a, tel tumte tan information kimchang chu MDC Social Media lamah tarlan a ni.

Kumin hian National Dance Artist pahnih Mekhola Bose, Mumbai leh Sammy Hamar, Assam te chu endik tur leh performance nei turin an lokal dawn a ni. Anni bakah hian Mizo top dance artist te an in lan dawn a ni.

MDC Showcase 2024 pual hian Summer Intensive Class chu June 3 a?angin ?an a ni dawn bawk. He Intensive Class-a zirlaite hi Showcase-ah hian an perform bawk dawn a ni.

 Nikum khan MDC The Main Event hi ropui taka buatsaih a lo ni tawh. Hmarchhak state hrang hrang a?angin dancer an rawn tel chikim hle. Kumin pawh hian state hrang hrang a?angin tel tur hming pe an awm nual tawh a ni.