Mizo Dance Camp The Main Event Grand Finale leh Showcase chu Zirtawpni ni 28 zan khan Dawrpui Multipurpose Centre ah neih a ni a. Mizo Dance Camp kum 10 tlin lawmna a nih bawk avangin entu mipui lamin an hlutin, Hall leng lo khawp mipui an pungkhawm a ni.

The Main Event tawp zanah hian MDC Showcase bakah Hei Raw Dance Competition Finals leh Showdown Dance Battle Finals te neih a ni a. Lamthiam te pawn an hlutin, Mizoram pawn aṭangin dancers tam tak an rawn tel a, chung zingah chuan Assam, Arunachal Pradesh, Manipur leh West Bengal aṭangin an rawn tel a ni. Intihsiakna endik tura chah chhuah 2, Mekhola Bose, Mumbai leh Sammy Hamar, Assam te pawh lam hmuhnawm tak an chhawp chhuak a, kal khawm mipui te chuan an hlut hle.

Intihsiakna hrang hranga lawmman dawn dan chu hetiang hi a ni: 

HEI RAW DANCE COMPETITION 

Winner: Frozen Crew

1st Runner Up: Dancing Mask Assam

2nd Runner Up: Pink Phoenix

Best Supporting Crowd: Greenland HSS

Best Performing School: St. Mary's School

SHOWDOWN DANCE BATTLE

WINNERS:

1V1 HIP HOP: Matthew Peka

1V1 WAACKING: Mark K.

1V1 BREAKING: Bboy Garfield

1V1 RYS: Viraj, Assam

3V3 RYS: Frozen Crew

Grand Finale atana Chief Guest Pi Zonunthari, Jt. Secretary, Women & Child Development chuan Show hmuhnawm leh changkang tak avangin MDC Director Alan Rinawma leh a Team te chu a fak hle a. Cultural thil te zep tel ṭhin tur leh ṭha taka kal chho zel turin duhsakna a hlan bawk a ni.