'Ka U Liana' film hit zia sawi nawn a ngai lo - kha film siamtute tho khan film thar an rawn chhawpchhuak leh dawn tawh e. Tun tuma an film tur hi ' AMAWII' tih a ni ve thung a, a hming atang rengin a hit loh ring suh! 

Zote Entertainment te kutchhuak a ni leh dawn a, an director hi Mike-a a ni. Asst. Director chu Aruata Fanai a ni a, Director of Photography chi Ruattea Photography a ni. Script writer pawh tu dang ni loin Aaron Malsawmdawngzuala a ni.

 A changtu lam
'Ka U Liana' film-a che hit zet mai Ruthi Chenkual chu Amawii film-ah hian kan hmu leh dawn a, lawm fe fe chu an awm ngei ang. Ani hi lemchan lama tawn hriat nei chho mek leh beiseiawm berte zinga mi a ni a, a lar chho zel a nih pawhin a mak lo ang - mipui duh rawn a ni tlat. Ani bakah hian Feli Ralte, Aaron Malsawmdawngzuala leh Maneihi Fanai te pawh an inlan dawn. Mipui hmuh chak ber tur pakhat chu Mizo Idol star David Darlong a ni ngei ang - a vawi khat nan film-ah a rawn inlan dawn e. 

David Darlong hi a ziathiam zia kan hre tawh a, lemchan lam hi a lo thiam tel reng em tih hmuh theihin a awm tuai dawn e.