Kuminah Mizo film chhuak thar eng emaw zat a awm tawh a, a la awm belh zel dawn bawk e. 'Thingtlang Tlangval' film siamtu Malsawma Fanai (M_Spcace) chuan Kristian film 'Lalpa a tha' tih chu a buaipui leh mek a, August thla tawp lam hi chuan a chhuah hman a beisei awm. 

He film hi April thla tawp lam atang khan an buaipui tan a, shooting bik hi an zo tawh. Editing an khawih mek a, hna la tam deuh mahse August thla chawhnu lam hi chuan an zawh fel hman a rinawm. Script hi Director Malsawma ziah a ni a, ani hian film eng emaw zat a lo siam tawh - a lakah beisei a sang leh dawn. 

He film-ah hian Siami Chawngthu leh Msa Chinzah te chuan main role an play a, Pekpeka leh Diktei te role pawh main role tluk zeta pawimawh a ni. He film hi Hebrai 11:6 behchhana siam a ni a, en manhla tur tak a ni. 
'Lalpa a tha' tih film hi darkar hnih ve ni tura ngaih a ni a, kumina M_Spcace kut chhuak hmasa ber tur a nih bawk avangin a nghahhlelhawm hle.