DOWNLOAD OUR APP

Read latest news on your phone
app-store

Mizo film chhuak thar tur 'MIMI'; February 10-ah Saikuti Hall-ah tlangzarh dawn 

Jan 24, 2023

Kolasib tlangval Andrew Laltlankima leh H. Lalhmangaiha te channa Mizo film thar 'MIMI' chu February 10, 2023 khian tlangzarh a ni dawn ta. Movie premiere hi Aizawl-ah nei loin, Saikuti Hall, Lunglei-ah neih a ni thung ang.

Kolasib tlangval Andrew Laltlankima leh H. Lalhmangaiha te channa Mizo film thar 'MIMI' chu February 10, 2023 khian tlangzarh a ni dawn ta. Movie premiere hi Aizawl-ah nei loin, Saikuti Hall, Lunglei-ah neih a ni thung ang. 

MIMI film hi Mizo ten film siam lama kan chhuanvawr ber zinga mi Mapuia Chongthu kutchhuak a ni leh dawn a, director a ni. A kutchhuak ten belhchian a dawl thin a, a story a thaa mipui rilrem zawng a nih bawk chuan a hit loh ring suh. Chutih rual chuan quality sang tak ni mah se mipui nawlpuiin an tuipui phak a nih a ngai ve tho a, hei hian film hlawhtlinna leh hlawhtlin lohnaah kawngro thui tak a su a tih theih bawk awm e. 

A changtu lam hi...
Zaithiam Andrew Laltlankima hi 'Nunna Thar' film-ah khan hnehsawh takin a lo inlan tawh a, a chan thiam zia sawi nawn a ngai tawh lo. Talent nei tha viau mah se film lamah a inlan zui lo a, kum eng emaw zat hnuah Mapuia Chongthu nen an thawk dun leh ta a ni. 

Andrew bakah hian lemchan lama sulhnu lo nei tawh, thalai a bikin nula ten an star rawn H. Lalhmangaiha a la awm cheu bawk. Hmangaiha hi Mapuia film siam tho 'Lungdumtu' ah khan Alex Lalchhuankima leh Mamuani te nen an lo changho tawh a, a theihna a rawn pho chhuak leh dawn e. 

Hmeichhe lamah Vanlallawmawmi leh Ethan Anni bakah hian Vanlallawmawmi leh Ethan Chohte te an inlan dawn bawk a ni. MIMI film hi Leitlang Pictures ten an produced a ni a, Lersia Play App lamah en theihin a awm ang. 

Share now