Kum 2022 chhung khan Mizo film chhuak thar thahnem tak a awm a, Mizo film industry hmaswnna chuan par  chhuah mek zel. Kuminah pawh thla khat chauh a la vei chungin film chhuak thar pahnih - Mimi leh Amawii a awm leh ta der mai. 

MIMI
Mizo film industry-a hming dai tawh ngai lo tur Mapuia, Leitlang Pictures kutchhuak a ni a, Zirtawpni zan khan Saikuti Hall, Lunglei-ah tlangzarh a ni. Tlangzarh zan hian mipui thahnem tak an pungkhawm a, a hmuna tel ve thei lo tan pawh Lersia Play-ah man chawia en theih a ni. 

Mimi film-ah hian Kolasib tlangval Andrew Laltlankima leh H. Lalhmangaiha te an inlan a, tawnhriat nei tha ve ve an ni bawka an part an hneh sawh leh pek hle. Zaithiam Andrew Laltlankima hi 'Nunna Thar' film-ah khan hnehsawh takin a lo inlan tawh a, Hmangaiha pawh hi Mapuia film siam tho 'Lungdumtu' ah khan Alex Lalchhuankima leh Mamuani te nen an lo changho tawh a ni. Hmeichhe lamah - Vanlallawmawmi leh Ethan Chohte te an inlan bawk a, film lamah hma bak eng tak an nei tih an pholang. 

AMAWII
A hming a tang renga mipui beng verh zar mai 'Amawii' film chu nizan khan Vanapa Hal-ah tlangzarh a ni bawk a, a hmuna tel an thahnem hle. 'Ka U Liana' film hit zia sawi nawn a ngai lo - kha film siamtu Zote Entertainment te kut chhuak tho kha a ni a, en manhla tak a ni. 

An director hi Mike a ni a, Asst. Director chu Aruata Fanai niin Director of Photography chu Ruattea Photography a ni. Script writer pawh tu dang ni loin Aaron Malsawmdawngzuala bawk a ni - ani hi Ka U Liana film ziaktu tho kha a ni.  

'Ka U Liana' film-a che hit zet mai Ruthi Chenkual a che hit leh pek hle a, a talent nei that zia a lang chho zel. Ani bakah hian Feli Ralte, Aaron Malsawmdawngzuala leh Maneihi Fanai te pawh an inlan a, Mizo Idol star David Darlong a inlan cheu bawk. 
Amawii film hi Runmawi App lamah en theihin a awm a, mipuiten man chawia lei sak ngei i tum ang u.