A taka thil thleng behchhana siam Mizo film thar 'Pine Hill' chu nizan khan tlangzarh a ni ta. Tlangzarh hun hi Vaivakawn Cultural Centre cum Auditorium-ah hman a ni a, April 29 atangin Lersia Play App-ah a duh a piang tan en theih a ni ang. 

'Pine Hill' hi Awmhlei Entertainment, Zosiam leh Gabriel Graphix te kutchhuak a ni a, hmeichhiate chhunga hleilenna lam hawi tarlanna a ni. 

Hmeichhia ten tihduhdah leh nghaisak an tawrhna te leh, chuta tanga tal chhuah an mamawh zia tarlan a ni. Hmeichhe tam takin rahbehna an tawrh avanga an harsatna tawh hrang hrang hmuh theihin a awm. 

Pine Hill hi tun hnaia Mizo film chhuak thar tlemte zinga mi a ni a, a siamtute hi he lama tawnhriat nei tha tak tak an nih avangin an kutchhuak hi en manhla tak a ni. A changtute pawh an thiam hlawm hle a, a hmuhnawm bakah zirtir neitha tak a ni.