ZALEN December 9, 2025: Mizoram University-a History & Ethnography Department-in 'Beyond Borders and Texts: Reframing the History and Polity of Highlanders in the Eastern Himalayan Borderlands' tih thupui hmanga international seminar buatsaih a hmanpui naah Art & Culture Minister C. Lalsawivunga chuan Mizo history zir chianna kawngah Mizoram sawrkar a inhawng a, kawng hrang hrangin hmalak mek a nih thu a sawi.

C. Lalsawivunga chuan, “Mizo history hi midangin an lo ziahsak thin a, hetiangah hian a nihna dik tak an hre fuh lo fo a, dik tawk lo a an ziah a awm. Mizote ngeiin Mizo history an zir chian a, an ziah ve tul a tih thu a sawi. Minister chuan archaelogy leh zirna peng dangte pawh Mizo history zirchian nana hman tul a tih thu leh a enkawl Art & Culture department chuan hemi kawngah hma a la ve mek a, tunhnaia ruhro hmuhchhuah thar thenkhat chu a upat dan hre turin carbon dating tih a ni," a ti. 

"Mizoram sawrkar chuan Mizo history zir chian tul a tih avangin Art & Culture department hnuaia Tribal Research Institute bul tumin Mizo Tobul chhui tura hmalak a ni, a ti a, zirna peng hrang hranga mithiamte he Mizo history chhuinaah hian tel tir an ni," a ti bawk.

Mizoram leh a chhehvela chengte history zir chianna chungchang seminar hawnnaah hian Prof. Robin an seminar sawi hawnna aneih hnu ah Prof David C. Williams, Indiana University chu thupui sawi hawngtu niin, North East India historian lar Prof Sajal Nag pawhin thu a sawi a. Mizoram University-a finance officer Prof Vanlalchhawna pawh khualzahawm niin a tel a ni. 

Seminar hian ni thum a awh dawn a, mithiam hrangin thusawiin paper an present dawn a ni. Hetih lai hian tunlai Indigo Airlines avanga buaina avangin Mizoram pawn atanga seminar-a lo tel turte chu an lo kal thei hlawm lo a, online hmangtein thu an rawn sawiin an presentation an nei hlawm dawn a ni.