Zo Event Organization buatsaih Mizo Hit chart chu December 6, 2023 (Niangani) zan khan sem a ni leh ta a, Gospel lamah Jonathan Lianhna pakhatna niin, Lengzem-ah Saiwana Sailo a che tha ber thung. 

Gospel 

Gospel huangah hian Jonathan Lianhna hla 'Nun Tobul' chu hit berin, YouTube-ah viewer maktaduai 2.3 a nei. Amah hnaih bertu chu Thawhlehnaniropuia a ni a, 'Damlai Hringnun' tih hla hmanginpahnihna a luah, YouTube-ah viewer nuai ruk (6) chuang a nei. 

Pathumna hi tun hnaia hla thar hit tak mai Jonathan Lianhna ft. Zorema Khiangte & Uncle Joe te sak 'Beisena' a ni a, Maruati leh Zorema Khiangte te chu top 5-ah an lang bawk. 

Gospel 

1. Jonathan Lianhna - Nun Tobul 

2. Thawhlehnaniropuia - Damlai Hringnun 

3. Jonathan Lianhna ft. Zorema Khiangte & Uncle Joe - Beiseina 

4. Maruati - Tawngtaina 

5. Zorema Khiangte - Ka lawmna ber 

Chuai thei lo Saiwana 

Kum 2022 khan rimawi lama award hrang hrangah Saiwana Sailo leh Mary Dawngi te chuan 'Ka Pa Khuma' hmangin song of the year an hui hneh hle a, he hla hian kuminah pawh kum tawp thlengin ro a la rel thei. 'Ka Pa khuma' hian YouTube-ah viewer maktaduai riat (8) neiin pakhatna a ni a, Mendal 'Ka pan a ti' chuan viewer mtd 5 chuang neiin pahnihna a ni.

Pathumna chu YoungFella 'Tawnmang' niin, Guru Gee & Richie Fanai 'Demi Lovato' leh Evenflow 'A.n.A' te chu top 5-ah an lang ve bawk. 

Lengzem 

1. Saiwana Sailo & Mary Dawngi - Ka Pa khuma 

2. Mendal - Ka pan a ti 

3. YoungFella - Tawnmang 

4. Guru Gee & Richie Fanai - Demi Lovato 

5. Evenflow - A.n.A

Kumin bikah Jonathanlianhna 'Ka thlang sual lo' chu Gospel huanga YouTube-a viewer ngah ber niin, maktaduai 2.9 zet a nei. Lengzem huangah Rebecce Lallawmsangi x Youngfella 'Hriat ka duh' chu viewer ngah ber niin maktaduai 9.2 zet a nei. Heng hla pahnih satute hnenah hian Most Viewed Award pek an ni a, Best Song Composer atan Jonathan Lianhna leh Saiwana te thlan an ni bawk. 

Mizo Hit Chart hi kumin atangin bul tan a ni a, vawi 6 an sem hman. Nakkum atang chuan thla li (4) danah sem thin tawh a ni ang.