Mizo hmeichhe chhuanawm tak tak an awm rualin hnam ti mualpho an awm leh zeuh thin

Aizawl May 23, 2023 : Mizo Zirlai Pawl (MZP) General Headquarters, Aizawl chuan vawiin khan Vanapa Hall-ah High School Leaving Certificate (HSLC) Examination 2024 Top 10-a Mizo tlingte chawimawina hun a buatsaih a, Prof. Lalnilawma, Minister of State chuan Khuallian niin a hmanpui.

MZP President H. Lalthianghlima chuan thu sawiin kumin HSLC Exam Result-ah hian 70% aia tam kan passed a, a lawmawm em em rualin hei aia sang hi kan pass thei a ni, tan i la zel ang u, tiin zirlaite a fuih a. "MZP chuan Mizo zirlaite inkarah inelna thianghlim awm se, tang deuh deuh ila. Hnam dang zirlaite el phak ila kan duh avangin hetiang hun hi buatsaih thin kan ni a, kumin Top-10 ah Mizo zirlai deuh vek kan awm hi lawmawm kan ti hle a ni," a ti bawk.

MZP President chuan, "Mizo hmeichhia chhuanawm tak tak an awm rualin, Mizo hnam ti mualpho an awm leh zeuh thin hi a pawi em em a. Mizo hmeichhia hnamdang pasal neite hian Mizo hnam an ti mualpho thin a, tan kan lak a ngai a ni" a ti a, "Sairang thlengin rel a lo luh dawn avangin, Mizo thalaite eng hna pawh thawk thei turin kan lo inbuatsaih a ngai a ni," a ti bawk.

Vawiin-a HSLC 2024 Top 10-a Mizo tling chawimawite hi mipa 5 leh Hmeichhia 8 an ni.

Zirlaite hi chawimawina thuziak, tangkafai cheng sang nga (5,000), Lalhmachhuana Zofa lehkhabu ziah 'Mizo Lui Hmingthangte', tih leh Mizoram General Knowledge English Edition leh Lalhruaitluanga ziah Zirna Lamtluang Lehkhabute hlan an ni.

HSLC 2024 Topper

1. LALMOIPUIA LAWMZUAL

HL LAWMZUALA

ST. PAUL'S HIGHER SECONDARY SCHOOL, TLANGNUAM

2. VANLALMUANPUII

R LALTHAZUALA

ST.PAUL'S HIGHER SECONDARY SCHOOL, TLANGNUAM

3. H LALSANGPUIA

H LALHUMHIMA

ST.JOSEPH HIGHER SECONDARY SCHOOL, RAMHLUN ‘N’

4. LALRAMLUAHPUII

C LALDUHAWMA