ZALEN July 14, 2026 : PC Vanlallawmi D/o PC Lalmawiliana, Vathuampui, Lawngtlai District-a cheng chu Mizo hmeichhia zinga NISM Research Analyst Certified hmasa ber a ni.

PC Vanlallawmi hian NISM Research Analyst Certification Exam hi May ni 16, 2026 khan a nei a, result hi May ni 19 khan a chhuak a, June thla khan certificate hi a dawng a ni.

Exam hi negative mark nei a ni a, full mark 100 atangin PC Vanlallawmi chuan 66.5% hmuin exam hi a pass a ni.

National Institute of Securities Markets (NISM) hi India rama financial market leh securities industry-a certification pechhuaktu lian ber zinga mi a ni a. NISM certification hi investment, research, leh financial market lama hna thawktu tan hlutna sang tak nei a ni.

Mizo zingah NISM Research Analyst Certification hi kum 2024 khan Peipung Private Limited founder Huxley Lalruatsanga Colney chuan a nei tawh a, PC Vanlallawmi hi Mizo hmeichhia zinga certification nei hmasa ber leh Mizo zinga pahnihna a ni.

Tunah hian PC Vanlallawmi hi Peipung Private Limited-ah a thawk mek a ni.