ZALEN October 16, 2024 : Patriotic Revolutionary Movement leh Mizo Village Volunteer Joint Meeting chuan an unau Manipur, Myanmar, Bangladesh leh hmun hrang hranga mite harsatna leh buaiina sutkian a lo nih theih nan leh harsatna tuarte puih nan Aizawl-ah Concert huaihawt an tum.

PRM leh MVV te chuan khawvel ram hrang hranga Mizote an theihna zawn theuhah tangrualna neih theih nan, October 28 & 29, 2024 hian Vanapa Hall-ah "Freedom Concert - Charity Concert' neih tum a ni a, he hunah hian an unaute tana luang chhuak turin Mizo zawng zawng an sawmin an ngen a ni.

Patriotic Revolutionary Movement leh Mizo Village Volunteer Joint Meeting chuan an unau Manipur State-a Mizo tlang mite ram leilung atanga, Kristiante nuaibo tura thiltih chu an dodal a, Manipur State Ministry-in an unau Mizote, Meitei hel - Arambai Tengol, Meitei Lipun, Coco mite leh State force ten mihring nunna tam tak zahpahna nei hauh lova an hmalakna te chu ngawihbopui an tum lova, Mizote Kristianna dodal a thah chimih an tumna chu dodal turin a tul anga hmalak an tum a, hemi atana an hmalakna atana an concert ticket hi lei sak turin Zoram mipuite an ngen a ni..