Mizo Idol season 7 tan a hnai chho zel a, lawmman tur pawh a chiang ta. Mizo Idol atan thlan chuan cheng nuai hnih (Rs. 2 lakhs) leh scooter a dawng dawn a, lawmman sem chhuah tur hi a vaiin Rs. 6 lakhs a ni ang. 

Mizo Idol season 7 hi July 19 atangin tan a ni dawn a, July 12 thleng form thehluh theih a ni. Mizo Idol lawmman tur tih chian a nih rualin tel tum tan pawh a phurawm sawt ngei ang. Idol dawn tur hi scooter man nen chuan Rs. 3 lakhs a kai a, pahnihna pawhin pawisa fai Rs. 1 lakh a dawng phak cheu bawk. Pathuamna dawn tur pawh Rs. 70,000 a la ni. 
  
Application form hi Zonet Office, Zarkawt atangin lak chhuah theih a ni a, District hrang hranga Zonet cable operator te leh Zonet website lamah download theihin a awm bawk. 

Mizo Idol Season 7 hi tel an tam zawk theih nan leh a awlsam zawk nan District hrang hrangah audition kalpui a ni dawn a, contestant ten an duhna ber District-ah audition an nei thei ang. 

Audition hi July 19, 2022 atangin Champhai District-ah tan a ni dawn a, Agust 6, 2022-ah a tawp khar nan Aizawl-ah audition neih a ni ang.