District hrang hrangah audition neih a nih hnuin mi 124 ten audition an paltlang a, Mizo Idol Season 7 1st round intihsiak an hmachhawn zui dawn. 1st round intihsiak hi zanin leh natuk zanah neih a ni dawn a, Zonet Zawlbuk-ah pekchhuah a nih dawn bakah Zonet app Empai-ahte a thlawnin en theih a ni ang. 

A tel zawng zawngte atanga a beiseiawm zual thlitfimte hian guitar nen intihsiak an hmachhawn thei tawh dawn a, talent nei tha a hriat chho zel dawn. Endiktute pawhin chik zawkin contestant te an belchiang thei tawh ang a, zaimi ten hma an sawnpui ngei a beiseiawm. 1st round-ah hian Aizawl Audition atanga tling mi 80 bakah, District dang atanga inhlangkai mi 44 an inlan dawn a ni.   

Mizo Idol 2022 ah hian - Robina, Rinzauva leh Vari Varte te chuan endik hna an thawk leh dawn a, an thu leh hla a ngaihnawm leh dawn. An tawn hriat ringawt pawh hi contestant te tan chhenfakawm a ni leh dawn a, zaithiam tha tak tak an chherchhuak leh ngei dawn e - Angelina V.L Hriatpuii leh Zonuni Pachuau ten an host ang.