Mizo Idol Season 7 chu nizan atang khan Champhai-ah tan a ni ta. Season 7 khuhhawnna hi Champhai-ah audition hmangin neih a ni a, zaithiam tak tak an awm nual. Champhai audition-ah hian mi 12 in intihsiak an hmachhawn a, audition hi District dangah neih chhunzawm a ni ang. 

Champhai audition-ah hian Triau Trackx atanga Mizo mipui ten kan hmelhriat Ramenga leh Ruatfeli te chuan endik hna an thawk a, zaithiam tih deuh deuhte pawh an nei nghal. Champhai hian Mizo Idol-ah sulhnu ropui tak an lo hnutchhiah tawh a, kuminah pawh an lakah beiseina a sang leh dawn - Mizo Idol hmasa ber Lallawmpuia kha Champhai khua a ni tih kan la hre theuh awm e. 

Ani bakah hian tun thlenga gospel singer lar leh sawm hlawh berte zinga mi la ni reng thei Maruati pawh Mizo Idol atanga lar a ni a, an unauin Mizo Idol-ah sang tak an thleng ve ve. 

Zaninah Mamit Audition neih a ni ve leh dawn a, hming pelut mi 20 lai an awm. Mamit zawh hian District thar Khawzawl lamah audition hi chhunzawm a ni bawk ang.