DOWNLOAD OUR APP

Read latest news on your phone
app-store
Mizo Idol Season 7 : Top 20-ah khawpui pawn an tam zawk!
Aug 25, 2022

Zaithiam zawnna Mizo Idol Season 7 chu neih chhoh mek zel a ni a, top 20-a lang ten intihsiak an hmachhawn mek - a tam zawk hi khawpui pawn atanga tel an ni. Zanin hian mi 10 an zai dawn a, naktuk zanah mi 10 bawk an inlan leh ang - music track nen an zai thei tawh bawka ngaihthlak a man hla viau mai.

A zan khatnaah hian Armed Veng South nula Zodinpuii a zai hmasa ber dawn a, T. Vanlalhmangaihi (Hunthar) chuan hnu  akhar thung ang. Zanina zai tur mi 10 zinga pathum chauh hi mipa an ni, a thleng sang zingah hmeichhia an tam zaw. Zanina zai tur zinga mi panga hi Aizawl khawpui pawn atanga tel an ni a, khawpui chhung atangin mi panga an inlan bawk. 

Nakzanah mi 10 bawk an inlan leh dawn a, khawpui chhung mi pahnih chauh an awm thung dawn. A dang mi pariatte hi khawpui pawn vek an ni a, a awm zia chu top 20-ah khawipui pawn an tam zawk tihna a ni. Top 20-ah hian Aizawl khawpui atangin mi pasarih an lang a, a bak mi 13 te chu khaw hrang hrang atanga tel an ni - khawi veng/khua in nge Mizo Idol title hawn dawn hriat a chakawm tawh khawp mai. 

Intihsiak hi Music Home, Zonuam-ah neih a ni a, Angelina leh Zonuni ten an in host chhawk. Judge lamah erawh - Vari Varte, Rinzauva Sailo leh Robin-a te an thu a, an thu leh hla a ngaihnawm tan chho leh viau tawh mai.    

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh