Nizan khan Mizo Idol Season 7 1st round result puan a ni a, top 50 thlan chhuah zingah 'Kawrthindenga' a tel ve lo! Rengdil tlangval Vanlalduhawma hi mipui mit fukna a ni a, 1st round-ah pawh hian lawm a hlawh hle - mahse mipui duh danin endiktuten thutlukna an siam lo hauh. 

Vanlalduhawma hian Mizoram's Got Talent (MGT) ah khan hming a lo chher viau tawh a, mipui lawm leh duh rawn a la ni reng, Mizo Idol-ah beiseina sang tak nen a inlan a, a che  tha viau ni pawhin a lang. Endiktute hian hming chher tawh sa hi an duh vak lo nge, a zai tha tawk lo zawk tih hi zawhna awm thei ve ve a ni - entertainment khawvelah erawh cham reng se a duhawm hle.

1st round-ah hian mi 124 an inlan a, a tha zual mi 50 thlan chhuah nghal an ni - a tam zawk an tla tihna a nih chu. Top 50 te hi August 18, Ningani leh August 19, Zirtawpni zanah an intihsiak leh ang. He ta tang hian a titha zual thlan leh tur a ni dawn a, an inthlifim chho zel dawn a ni. I tan zawngte an la tling zel em??