Zanin hian Mizo Idol Season 7 chu Grand Finale neih a ni dawn ta a, a hmawr bawkna hi Dawrpui Multipurpose Centre-ah neih a ni ang. David Lalchawisanga Darlong, T. Vanlalhmangai leh C. Vanlalroluahtumi te zinga tu berin nge Rs. 2 lakhs leh scooter dawng dawn tih chu chinfelin a awm dawn ta a ni. 

Grand Finale-ah hian top 3 te hi an intihsiak leh dawn a, a tawp zan a nih tawh avangin mipui min rawn barakhaih deuh a nih pawhin a mak lo ang. An hla sak chak em em, tlak hlauh avanga an sak ngam tak lohte pawh zanin chuan an rawn sa ngam tawh mial mai thei a sin! 

Top 3 te bakah hian top 5 atanga tla ta Deborah-i leh Angaihi te pawh an inlan dawn - show hmuhnawm tak beisei ang aw. Hei mai a la ni lo Mizo Idol Season 6 winer Jerry Lalrinawma a inlan dawn cheu bawk. 
Show hi dar 8-ah tan a ni leh dawn a, Zonet Zawlbuk leh Zonet Empai-ahte live-a en theih a ni ang. 

Mizo Idol hian cheng nuai hnih (Rs. 2 lakhs) leh Yamaha Aerox Scooter a dawng dawn a, a lawmman dawn tur hi scooter man nen chuan Rs. 4 lakhs a kai thuak a ni. Pahnihna hian pawisa fai Rs. 1 lakh a dawng dawn a, pathuamna pawhin Rs. 70,000 a dawng dawn a ni.