Mizo Idol season 7 tel tumte tana hming pek luh theih hun chhung chu July 12, 2022 khan a tawp a, mahse, form theh luh theih hun hi pawhsei a ni. July 16, Inrinni thleng hian tel tumte tan hming pek luh theih a ni ang. 

Mizo Idol buatsaihtu Zonet chuan form thehluh theih hun chhung pawh sei chhan hi an tarlang lo a, tel an tam zawk theih nana tih a nih a rinawm. Kumin hian tum dang zawng aiin lawmman a tha dawn a, Mizo Idol atana thlan chuan cheng nuai hnih (Rs. 2 lakhs) leh scooter a dawng dawn a ni. Pahnihna pawhin pawisa fai Rs. 1 lakh a dawng dawn a, pathuamna dawn tur pawh Rs. 70,000 a la ni cheu.

Mizo Idol Season 7 hi tel an tam zawk theih nan leh a awlsam zawk nan District hrang hrangah audition kalpui a ni dawn a, contestant ten an duhna ber District-ah audition an nei thei dawn a ni. 

Audition hi July 19, 2022 atangin Champhai District-ah tan a ni dawn a, Agust 6, 2022-ah a tawp khar nan Aizawl-ah 
audition neih a ni ang.

Zai lama tui mi, chona thar hmachhawn duh tan chuan tel ngei chi a ni ang.