Mizo music app Darbu chuan Mizo Idol Season 7-a top 10 te zai chu man chawia ngaihthlak theih turin an chhawpchhuak zel dawn e. Audio te hi studio-a record vek a ni a, intihsiaknaa an zai aiin ngaihthlak a manhla leh zual mai thei. 

Darbu hian artist te hnenah share an pe sang hle a, hla phuahtute pawhin hlawh an nei cheu! Artist te hian 80% an chang a, hla phuatu ten 10% an chang ve bawk. App neitu an nih avangin share an hauhsang ngawt lo a, 10% chauh an chang a ni. Mizo Idol top 10 te zai hi show an neih tuk zan dar 8-ah dahchhuah thin a ni dawn a, intihsiak an neih hmain an record sa vek a ni. 

Darbu App-ah hian Mizo hla tha tak tak ngaihthlak tur thahnem tak a awm tawh a, an la dahbelh mek zel bawk.