ZALEN February 25, 2026 : The Mizo Marriage and Property Inheritance (Amendment) Bill, 2026 nimina Assembly a pass tak chuan social media lamah sawi zui a hlawh hle.

He dan siamthat chuan Mizo leh Mizo inkara inneihna a pawm bakah Mizo mipain hmeichhe (hnamdang) nupuia a neihna chiah Mizo inneihnaah a pawm a. 

Heti anih chuan Mizo hmeichhia leh hnamdang inneihna a pawm lo tihna a ni a. An fate pawhin tribal nihna an 'claim' theih tawh dawn lo bawk a ni. 

Mizo hmeichhia hnamdang pasal nei chuan rokhawm chungchangah pawh chan tur an nei tawh dawn lo bawk a ni. Mipa hnamdang nei inkara piang fate erawhin Mizo dan angin ro an la khawm vek thei thung dawn a ni.

Hetih lai hian he dan veka Mizo tih sawifiahnaah chuan Mizo leh Mizo nu leh pa inkara piang tu pawh Mizo-ah a pawm a. Mizo hmeichhia hnamdang neite chu an Mizo-na (identity) a bo tih he danah hian a inziak lo thung.