Aizawl September 24, 2023 : Assam Rifles-in hnam inpumkhatna ‘national integration’ puala  hmarchhak state hrang hrang tlawhtu Mizoram chanchinbumite chuan vawiin hian Shillong-ah Assam Rifles hotu ber an hmu dawn.

Mizoram chanchinbumite hian Thawhtanni (18.9.2023) khan Aizawl chhuahsanin Guwahati-ah an riak a. Guwahati atang hian Arunachal Pradesh-ah lut lehin hmun pawimawh hrang hrang India leh China ramri, Bhumla, kum 1961-a India leh China indona hmun te, Jang tuikhawhthla te an tlawh bakah 4th Mountain Division hmunte tlawhin an hotu, DIG Brig. Sekhawat te nen tukthuan an kilho bawk.

AR Integration Tour member-te hian vawiin hian hmarchhak biala Assam Rifles hotu lu ber, Lt. Genenal kawm an tum a. Ruahman dan chuan naktip, Thawhlehni hian Aizawl an lo let ang.