ZALEN Dec. 18. 2024; Mizo khawtlang nunah 'Zonun Zemawi' chawisanin a la awm zel a, a lan chhuahna tam tak erawh tun hma ang a ni ta lo deuh tih mai a ni.

Mi ṭhahnemngai zual ṭhenkhat ten Zonun Zemawi bo pil tawh ang thawtangin an sawi thin a, an thlirna tlang ṭawmpui chuan ni thei tak pawh a ni ang...

Hetihlai hian ngun leh chik leh zual zawka he Zonun hi thlir tan chuan, kawng tam takah Zonun Zemawi hi chhawmnun a la ni a, a taka kalpui a la ni tih hmuh theih a ni thung ang. Thlirna 'tarmit' a zir te pawh a ni awm e.

Thingtlang khaw tam takah te, Mizoram khawpui hrang hrangah te Zonun Zemawi hi mawi taka chawinun a la ni a, a lan chhuah dan erawh 'tunlai mil' a ni tawh ti pawhin a sawi theih ang. Midang tana an neih sum ui lo, a let leh beisei hauh lo inseng so huam em hi mi tam tak an la awm a, chu chu hun pui kan hmachhawn mekah hian a tak ngei a hmuh tur pawh a tam hle.!

He Mizo khawtlang nunah hian Zonun Zemawi a la thi lo a, nung taka chawinun mek zel a la ni e!