Aizawl; Hrangturzo bialtu MLA & Chairperson, Women Commission ni bawk Nl. Vanlalawmpuii Chawngthu chuan, "Mizo puanbih chunga Mizoram Assembly House ka lut kha ka ngaihluin, Mizo hmeichhiate tan thil chhinchhiahtlak tak niin ka hria," a ti. Zirtawp zana MHIP Chanmari Branch-in MHIP Day an lawmna khuallian nia a hmanpuinaah he thu hi sawiin Vanlalawmpuii chuan, “Incheina chungchangah hian Mizo nute hi kan fimkhur a tul takzet tawh a. Mizo nihna pawh lang tawh mang lovin kan inchei tan mek a. Mizo mipate hian khawvel incheina tlanglawn ai hian Mizo puan bih chunga kan inchei hi hmuh nuam an tih zawk ka ring," a ti. MHIP te Kumpuan ‘Mizo hmeichhiate ram rorelnaah mi tam zawk tel ve ni rawh se’ ti hlawhtling hmasa-tua a tang chu vannei an in tih thu a sawi a. Mizo hmeichhiate ram rorelnaa tam zawk lut tur chuan keimahni lam in zir ve ngaia a hriat thu a sawi bawk. MHIP Chanmari Branch programme hi Chanmari YMA Hall-ah hman a ni a, an member eizawnna bultan duh mi 30 hnenah Loan an pe chhuak nghal bawk a ni.