Aizawl: Central YMA, Mizoram Steel Fabricators Association leh Mizoram Automobile Worshop Owners Association tangkawpten Mizo thalaite tana an buatsaih training chu Zirtawpni chawhma dar 11 khan Central YMA President Vanlalruata’n a hawng. Training hawnna Tuikhuahtlang YMA halla neih hi Central YMA Treasurer Lalrochuanga Pachuau chuan kaihruaiin Mizo thalai te tana mi tlawmngai te'n hun tha an buatsaih theih chu lawmawm a tih thu a sawi. Training hawngtu CYMA President Vanlalruata chuan sawrkar tel lova YMA leh Motor workshop nei ten welder, Painter leh Steel frabication training a buatsaih thei chu thil chhinchhiahtlak tak a nih thu a sawi a. Duh aia Training thei an tlem erawh tan lakna tur tamzia tilang tu nia a hriat thu a sawi a. “Kan ramah hnathawh tur tam tak a awm a, hnam dangin min thawh sak zel a. Thalaite hi hnathawk thei tura kan intuai hriam loh chuan kan la buai fo dawn a ni,” a ti. Central YMA President chuan training te chu theihtawp chhuaha taimakna leh tumruhna nen, thiamna bik nei thei tura inzir turin a chah a, mi dangte pawh zirtir chhawng thei tura khawpa mahni zirlai theih thiam turin a chah bawk. Training hi kum khat chhung neih a ni dawn a, tun tuma training hian nakum July 2 thleng a awh dawn a. Training hi steel frabrication bikah mi 16, Welder 8 leh painter 6 an vaiin mi 30 an ni.