Khawvela fashion and art magazine lian berte zinga mi i-D Magazine leh Jimmy Choo in collaborate chuan a vawikhat nan India designer tha mi pathum - Gaurav Gupta, Raw Mango leh Bloni te an thawhpui. October thla tir lam khan Mumbai-ah shooting an rawn nei a, hemi atan hian Mizo tlangval pawh thlan chhuah zingah a tel a ni. 

Shooting atan hian i-D magazine chuan India rama stylist lar tak tak an biak hnuah, Mizo tlangval James Lalthanzuala chu tha bera an hriat avangin an shoot style sak turin an thlang ta a ni. An kutchhuak thlalakte hi Jimmy Choo Instagam-ah leh i-D Instagram page-ahte hmuh theihin a awm a ni. 

James-a hi tunlaiah chuan India rama fashion stylist tha ber pawl leh trending berte zinga mi a ni. Khawvel magazine lian tak tak Beauty Papers, Atmos-ahte contribute-in, Vogue India, Harper Bazaar magazine cover te hial pawh lo style tawhtu a ni. India rama designer lar ber ber - Manish Arora, Raw Mango leh Ekaya campaign shoot te pawh a lo style sak tawh bawk a ni. Tunah hian Delhi-ah awmin India-a talent leh model agency tha ber tih thei feat.artist in an represent mek a ni.