ZALEN, November 27, 2025: West Bengal-a Asmita Khelo India Women Youth, Junior leh Senior Weightlifting Championships East Zone neih mekah intihsiakna tan ni, Ningani khan Mizo tleirawl rit chawi chak pahnihin gold leh silver medal an la nghal.

Pathianni thlenga Kolkata khawpuiah inelna neih tura medal latute hi Mizoram State Sports Council (MSSC) Non-Residential Coaching Programme (NRC)-a awm mek, Annie Lalruatfeli Colney leh T.Lalhmangaihtluangi an ni.

Bethlehem Veng, Aizawl tleirawl, Annie hian Youth-a kg 53 huangah snatch-ah kkg 55 leh clean & jerk-ah kg 75, a vaia kg 130 chawiin gold a hlawh chhuak.

Youth-ah tho, kh 48 huangah Champhai Ruantlang tleirawl, Hmangaihtluangi hian snatch-ah kg 46 leh clean & jerk-ah kg 60, belhkhawma kg 106 chawiin silver medal a la ve thung.

Asmita Khelo India Women League Weightlifting Championships East Zone-ah hian Mizoram atangin rit chawi chak panga leh anmahni hruaitu (official) pahnih, Zohmangaiha MSSC coach leh Lalremruata, Manager, Dawrpui Vengthar, Aizawlte an kal a ni.