ZALEN Nov. 26. 2024; Naupang zaithiam lawm hlawh, Esther Hnamte chuan Youtube-ah subscriber nuai 10 (1 million) a nei tling tawh.

Kum naupangte niin zai lamah hmelhriat a hlawh a, a zaithiamna piah lamah amah kaihruai a tuipuitute vangin tun dinhmun hi a thleng a tih theih ang. Mizoram chhung mai bakah India ram hmun hrang hrang atangin zai tura sawmna a dawng awl lo a, naupang mai a la nih avangin sawmna a dawnte a tihlawhtling vek seng lo.

Youtube a subscriber nuai 10 neih tlin hi Mizo tan chuan thil har a ni. Mimal hming anga youtube channel neiah chuan Mizo zingah ani aia subscriber ngah hi an awm a rinawm loh.

Hla hrang hrang a sa a, tuipuitu pawh an tam, a hla thenkhatte phei chu vaibelchhe 1 viewers awmna te a ni. India rama Mizote min ti hmingthatu, naupang duhawm Estheri a kal zelna turah ZALEN chuan duhsakna kan hlan e