Aizawl March 10, 2023 : A naupan lai atangin 'Tin' (nail) zuah a tuipui (hobby) a, chu chu tun thlengin a la chhunzawm. Pheikhawk a bun ngai lo a. Tun dinhmunah amah aia ke tin sei Mizoramah an awm lo maithei.

ZALEN zawhna chhangin Pi Vanlalliani (Maliani) kum 65 mi chuan a kut leh ke tin zuah chu a naupan lai atanga a tui pui tawh a ni tih sawiin, a nunphung tih khaihlak chang nei thin mah se a nuam tih lam a nih vangin hrehawm a ti ngai lem lo niin a sawi.

Tunah hian Edenthar veng, Aizawl ah a pasal fanau te nen an khawsa a, huan te pawh a nei thin a, puanthui thin a ni. Kut leh ke tin chu a zuah a zuah ralah chuan a lo thang muang hle tih sawiin, a tliak ve leh thin bawk nen dim a ngai hle niin a sawi.

Pi Maliani hian a kut leh ke tin a zuah vangin, a naupan lai atangin pheikhawk a bun ngai lo a, a ke tin zuah vangin bazar hmun leh puipunna hmun dang a tel kawngah harsatna a siam thin a, chung hmunah te chuan a tel/kal tam loh phah viau thin bawk.