ZALEN July 15, 2026: Mizoram-a lirthei Dealer zinga Rel hmanga lirthei chah lut thei awmchhun la ni rih G.I.G Motors chuan vawiin khan a tum li nan lirthei 125 Rel hmangin an ti thleng leh. 

Rel hian Wagon 25 hnukin, Mizoram bik atan chuan Wagon 25 khat anih loh chuan Rel hian motor a rawn phur lut theilo tluk a ni a. Wagon 1 zelah hian lirthei 5 zel rawn phurh thin niin, Wagon 25 X 5-ah lirthei 125 an rawn phur thin a ni. 

Rel lo luh tirh atangin G.I.G Motors hian 10.12.2025 khan a vawikhat nan lirthei 119 a ti thleng a, hemi tum hian Sairang rel station-a unload na tur hmanrua an rawn thawn tel vangin 125 a tling lo a. 30.04.2026 khan lirthei 70 ti thleng lehin, 21.05.2026 ah car 50 leh 19.06.2026 ah Car 115 an ti thleng leh a, 125 tling a thlen loh chhan hi Silchar-a Maruti Suzuki Dealer te nena an rawn kawp vang a ni.

G.I.G hi 11.07.2026 khan lirthei 125 rawn thawn leh niin, kalkawngah tih khawtlai anih avangin vawiin 15.07.2026 khan lirthei 125 te hi an hlang thla fel. Rel lo luh hnuah G.I.G Motors chuan lirthei 479 Rel hmang hian an la lut tawh a ni.