October 9, 2023; Mizoramah cycling in hma a sawn mek zel a, pawl changtlung tak Mizoram Cycling Association (MiCA) dingin, sawrkar department hrang hrangte'n thawhpuiah an hmang chho mek.

Cycling hi Mizoram ah tun hma atanga kalpui a lo ni tawh a, mi thahnemngai ten MiCA an din hnu-ah mumal zawk a kalin, tunah chuan anmahni pawl hmalakna a an chetchhuahna mai bakah, sawrkar department ten thawhpui-ah an hmang nasa hle tawh a, Mizoram Sports Association hnuaiah pawh ziahluh/pawm a ni hial tawh.

Tourism department nen hnai taka inhne rengin an kal a, 'Tour de Hmuifang' chu tun dinhmun a adventure sports langsar ber te zing a mi a ni hial tawh a, rampawn a tang pawh a mite ngaihven inelna ropui tak niin, ngaihsan leh ngaihhlut pawh a kum telin a hlawh chho mek a ni.

He lam hre zaute sawi danin, Mizoram hi cycling na atana hmun tha a ni a, chumi phawk chhuak zel tur chuan Mizoram sawrkar pawhin a theihna zawnah hmala in, ruahmanna pawh a takin a kal chhoh pui mek zel a ni.