Aizawl: Prisons department chuan ZALEN zawhna chhangin tunah hian Mizoram chhungah jail tang mipa 1190 leh hmeichhia 114, an vaiin mi 1304 an awm tih an sawi. Jail tang te hi Central Jail ah 617 an awm a, District jail hrang hranga jail tang dinhmun chu Aizawlah 79, Lungleiah 166, Siaha ah 66, Kolasib ah 177, Champhaiah 128, Lawngtlaiah 24 leh Serchhipah 47 a ni a, Mamit hi department lamin an be pawp thei lo  a ni. Jail tang te hi thubuai ngaihtuah mek, la convict loh mi 718, damchhung tan tur mi 32, rim taka hna thawka tang tur (rigorous imprisonment) mi 166, tang naran (simple imprisonment) mi 381 leh loh theih loha an nu ten an hruai ngai naupang 8 an ni. Jail hrang hrangah hian jail- in a zawh tawk tura ruahman aia tam tanna jail 3 pathum a awm a. Central Jail chu mi 557 tan theihna tura hisap a nih laiin mi 617 an tang a, 60 in an tam a ni. Hei bakah hian Kolasib district jail-ah mi 114 tang theih tura ruahmanah mi 177 an tang a, Champhai distric jail-ah pawh mi 126 tan theihna turah mi 128 an tang mek a ni. Prisons department hotute chuan tunah hian Central Jail ah Auditorium sak mek a thu leh hmeichhe tanna bik tur Seperate Women Jail sak mek a ni a. Hmeichhe jail bik hi hna zaa 90 vel an zo tawh niin Prisons department hotute chuan ZALEN an hrilh.