ZALEN January 18, 2026: Tun hnai kum nga chhungin Mizorama pian punna rate a pung a, nau piang pawh an tam chho hret hret.

Economics & Statistics Department-in nikum kum tawp lama ‘Annual Report of Registration of Births & Deaths Mizoram, 2024’ a tihchhuah atanga a lan danin Mizorama nau piang punna rate hi tun kum nga kalta, 2020 atanga 2024 thleng khan kum tin a pung chho hret hret zel a. Piang punna ‘birth rate’ hi kum 2020-ah 17.28, 2021-ah 17.63, 2022-ah 18.49, 2023-ah 18.89 leh 2024-ah 20.11 te a ni.

Report atanga a lan danin kum 2020 khan Mizoramah nau piang 23,320 an awm a, 2021-ah 24,314, 2022-ah 26,049, 2023-ah 27,180 leh nikum 2024-ah piang 29,615 an awm a ni.

Kum nga kalta chhung vek khan nau chunga thihna thleng, ‘infant mortality rate’ pawh a ziaawm hret hret a. Kum 2020-ah IMR hi 16.47 niin 2021-ah 18.26, 2022-ah 14.59, 2023-ah 13.25 leh 2024-ah 8.75 a ni.