Aizawl; Vawk natna chi khat Porcine Respiratory and Reproductive Syndrome (PRRS) chu ziaawm tawh mahse tun dinhmunah 2%-3% vel a la awm niin AH&Vety Doctor te chuan an hria. Thudawn danin PRRS hrilen vanglai chuan Vety Doctor ten vawk an test 62% velin an vei a, mahse he natna vei engemaw zat tihhlum an nih hnuah July thla a an test leh naah chuan a vei zat hi an tlem ta hle a ni. July 2014 chhung khan Vawk 1200 te chu PRRS an vei leh vei loh enfiah a ni a, heng zinga 3% velin PRRS natna hi an la pai tih hmuhchhuah a ni. August thla ah a test na tur hmanrua an neihloh avangin he natna vei zat hi hriattheih a ni hrih lo a, test kit hi NLUP sum hmanga lei a niin tunkar atang hian enfiah hna hi tan leh tum a ni. PRRS vang hian Mizoram a vawk 243 suat a ni tawh a, heng zinga 17 hi mimal vawk a niin a dang hi AH&Vety Department farm ami an ni. Thudawn danin central sawrkarin vawk suatna atana compensation a pek theih a tlem avangin vawk neitu tam takin an vawk tihral an phallo a, hei hian natna umbo kawngah harsatna a siam niin an sawi.