DOWNLOAD OUR APP

Read latest news on your phone
app-store

Mizoram-ah school 3914 a awm mek

Jul 12, 2014

Mizoram-ah school 3914 a awm mek

Aizawl; Mizoram pumah zirna in (school) 3914 a awm mek a, heng te hi Primary school 1831, Middle school 1381, High school 584 leh Higher Secondary school 118 te an ni. Tunhnaia tih chhuah tak 'Statistical Abstract of Mizoram : 2013' in a tarlan danin Aizawl district ah school hi tam berin Primary school 482, Middle school 421, High school 206 leh HSS 60 a awm a, a tlemna ber chu Serchhip district a niin Primary school 113, Middle school 94, High school 38 leh HSS 7 a awm a ni. Statistical Abstract of Mizoram in a tarlan danin Primary school-ah hian zirtirtu 8703, Middle school ah 9883, High school ah 4414 leh Higher Secondary school ah 1468 an awm a ni. School zingah Primary school ah zirlai tam berin 161,581 an awm a, Middle school ah 89755, High school ah 38870 leh Higher Secondary school ah 21472 an awm a ni. Statistical Abstract hian Mizoram ah College 21 a awm tih a tarlang bawk a, heng te hi Aizawl ah 9, Mamit 2, Kolasib 1, Champhai 2, Serchhip 1, Lunglei 3, Lawngtlai 2 leh Saiha 1 a awm niin a tarlang bawk a. Zirlai 11754 leh zirtirtu 636 an awm a, zirlai zinga 6033 chu mipa an ni a, 5721 chu hmeichhia niin a tarlang bawk.
Share now