ZALEN Dec. 9. 2024; Chhungkaw 10 hnenah Mizoram Arsenal Supporters' Club (MASC) an luang chhuak a, Rs. 65,000 an sem chhuak.

Krismas puala luan chhuah hunah hian Aizawl leh a chhehvela chhungkaw khawsak harsa zualte, ramtui lei lo leh bawrhsawmna-in a tlakbuakte hnenah krismas thilpek atan sum fai an hlan a ni.

Luan chhuah 2024-ah hian MASC vehbur khawn atanga mi inphalte thilpek tling khawm Rs. 65,000 chu Hlimen, Melthum, Samtlang leh Lungleng khua-ahte khawtlang hruaitute be rawn chungin chhungkaw 10 hnenah hlan a ni. 

Luan chhuah programme a hlawhtlin theih nana mi inphalte zawng zawng chungah MASC chuan lawm thu a sawi.

MASC LUAN CHHUAH TAWHNA TE

Krismas pual : A kum leh sum lut zat

Kum 2020 : Zemabawk leh Durtlang - ₹35,300

Kum 2021 : Muallungthu, Kelsih leh Melriat - ₹60,650

Kum 2022 : Sentlang, Lungdai leh Sihphir - ₹44,650

Kum 2023 : Tuikhurhlu, Tuirial Airfield, Tuirial, Zemabawk East leh Hospice Care Unit (A thlawna Cancer dam lote enkawlna hmun) - ₹1,41,500

Heng bakah hian :

1. Covid hripui len laiin TNT hnenah kum 2021 khan ṭanpuina sum fai ₹40,000 hlan a ni.

2. Kan chhehvel (Bangladesh, Burma, Manipur) raltlante pualin vehbur khawn a ni a. CYMA hnenah kum 2023 khan ₹30,000 hlan a ni. 

3. Cyclone Remal vanga chhiat tawk Arsenal fan Pu Matthew Lalchhanhima, Aibawk chhungte hnenah Facebook-a Arsenal fans group liante nen ṭang rualin ₹61,500 ralna hlan a ni.

Heng veng leh khua tar lanahte hian khawtlang hruaitute be rawnin, krismas chibai bukna thilpek hlan tur chhungkua thlan chhuah ṭhin an ni.