ZALEN Jan 17, 2026: Mizoram Arsenal Supporters' Club (MASC) chuan ni 17.1.2026 (Inrinni) chawhma dar 9:30 aṭangin Zarkawt Community Hall-ah 'Thisen Pek Rûnpui, 2026' an buatsaih.

He hunah hian Mizorama Arsenal ṭantute chuan thisen unit 34 an pe a, mipa 28 leh hmeichhia 6 in an pe thei a ni. Thisen pek tuma kal hi mi 38 an awm thung.

Mizoram Arsenal Supporters' Club hi January ni 25, 2020 khan din a ni a, thisen pek rûnpui hi an lo buatsaih fo tawh a ni. Thisen pek nana a thlawna hmun hman tirtu Local Council, Zarkawt chungah MASC chuan thinlung takin lawm thu an sawi a. Hun leh tha sênga tlawmngaia thisen petute chungah MASC chuan lawm thu a sawi bawk.

MASC-in thisen pek rûnpui an lo buatsaih tawh dan chu hetiang hi a ni :-

1. January, 2021 - Unit 44

2. December, 2021 - Unit 50

3. February, 2023 - Unit 66

#ZalenNews