ZALEN August 18, 2026: Indian hmeichhe hockey team forward Lalremsiami chu Mizoram atanga infiammi Arjuna Award dawng hmasaber a ni dawn.

Vawiin khan National Sports Award 2025 dawng tur puan a ni a, Infiamna lama India rama chawimawina sang ber dawttu Arjuna Award dawng tur hian Kolasib nula Siami hi thlan a ni. Award hian tangkapui bakah Rs 15,00,000 (Nuai 15) a keng tel. Major Dhyan Chand Khel Ratna Award chu infiamna huanga award sang ber a ni.

Lalremsiami hian 2017 khan India hmeichhe senior tem tan a khel tan a, hemi tum hian Test series-ah Belarus a hmachhawn a, Remsiamin hi tunah hian FIH Women's Hockey World Cup 2026 khelin Netherland-ah an cham mek a, vawiin hian South Africa nen Pool D match-ah an inkhel. An Pool-ah hian India, China, England leh South Africa te an awm a ni.