Aizawl; Mizoram a Bank chi hrang hrang awm zingah Bank of Mahrastra chuan Credit Deposit Ratio an nei sang ber ah, an CD Ratio hi 109.77 niin pahnihna chu Canara Bank a ni a, an CD ratio hi 87.98 niin 67.13 petu Mizoram Co-operative Apex Bank chuan a dawt leh a ni. Statistical Abstract of Mizoram : 2013 tarlan danin kum 2011-2012 khan Mizoram ah Bank 128 a awm a, 2012-2013 khan Mizoram ah Bank chi hrang hrang ten Branch 141 neiin kum hmasa aia a punna hi 13 a ni a, heng zingah hian Mizoram Rural Bank chuan nei tam berin 71 an nei a ni.Anni baka Bank hrang hrang te leh an Branch neih zat chu State Bank of India (SBI) 31 Mizoram Co-operative Apex Bank 12, HDFC 6, United Bank of India, UCO Bank, Axis Bank leh Vijaya Bank 2 theuh bakah Bank of Baroda, Bank of India, Bank of Maharastra, Canara Bank, Central Bank of India, Federal Bank, ICICI Bank, IDBI, Indusind Bank, Punjab National Bank, Syndicate Bank, Yes Bank leh Mizoram Urban Cooperative Development Bank Ltd. (MUCO) 1 theuh te an ni. Kum 2012 - 2013 chhung hian Bank chi hrang hrangte hian deposit vaibelchhe 4706.47 an dawng a, hetih lai hian Advances (Loan) ah vaibelchhe 1865.45 an pechhuak leh a, an Credit Deposit Ratio (Loan pekchhuah) zat hi 39.64% a ni. Mizoram a Bank awm zingah Yes Bank chuan deposit vbc. 8.08 dawngin Indusind Bank vbc.9.97 dawngtu nen mipuite tan pekchhuah a nei miah lo a, an CD Ratio hi 0% ve ve an ni. Nationalised Bank te aiin Mizoram tualchhung Bank ten CD Ratio ah hian an thawh tha hle a, MC Apex Bank chu 67.13 a ni a, MUCO Bank chu 51.15 niin MRB chu 46.43 a ni. SBI chuan deposit a ngah ber a, vbc.2180.18 niin MRB chuan dawtin vbc. 1144.25 an dawng a, pathumna Mizoram Cooperative Apex Bank in vbc. 432.14 an dawng a bawk a ni.