ZALEN February 22, 2026 : YMA Inkhawmpui Lian vawi 75-na, October 21-23, 2025 a Sakawrdaia neiha thurel YMA Khawih No.5 -na, “Zohnahthlak chi peng hrang hrang Mizoram a chengte zingah, chi bil hmalakna a awm tawh loh nan Central YMA in hma la rawh se” tih chungchangah Central YMA chuan thuchhuah a siam.

Thuchhuah chuan, "Mizoram hi Zofate inlungrual tak leh inrem taka kan chenhona anih avangin, hnam inlungrualna ti chhe thei chibil zawnga hmalakna te, chibil hamthatna tur leh dawmkanna tur zawnga hmalak bikna hrang hrangte hi Sawrkar, Kohhran leh pawl hrang hrang ten ti lo turin kan ngen a ni," a ti.

CYMA chuan, "Mizote hi hnam tlem te kan nih avangin hnam pual bila thiltih hrang hrangte hian Mizo hnam inpumkhatna a ti chhe thei tih hria a, hnam pumpui thatna tur chauh a ngaihtuahna seng tlang turin kan inngen a ni," an ti bawk.