Aizawl : BJP Thalai chuan March 15, 2023 Tuesday a Mizoram Chief Minister in thuthar thehdarhtu ten Budget chungchang zirhona an buatsaih a telpui na a, Mizoram Budget chungchang a sawi dan chuan ngaihtuahna a ti thui an ti a, Mizoram CM hian chian loh na ruk tak a nei ni hial ah BJP Mizoram Thalai chuan an ngaih thu an tarlang.

BJP Mizoram thalai chuan, "Chief Minister berin kan leibat a engto lo hi a makin, Mizoram-in hetiang CM a nei hi India ram state a vanduai ber a ni awm e. Mahni Department chan pawh enkawl fel hleithei lo, hnathawk te hlawh tur puk chawp a pek reng ngai CM hian zahna chang a hrelo anih pawhin, a sum puk tuartu mipui tal te chu zah ve rawh se, tiin, mahni leibat chungchang thuthar thehdarhtu te hmaah a engto loh thu leh hlimtak leh thawveng taka a la sawi ngam te hian Mizoram mipuite vanduai zia a ti lang chiang hle a, zahthlak a ti tak meuh meuh a ni," an ti.

"Mizoram mipui ten sawrkar tha, Mizoram hmangaihtu kan neihloh avanga Mirethei ten dinhmun tha zawk a thlen theih loh na hi ngaihtuah chiang in, Mizoram retheihna ah hian mawhphurhna an nei ve a ni tih hria a, Politics dik, sawrkarna tha mipui hnen thleng phak development pe thin sawrkar a mamawh a, tun sawrkar kal dan en hi chuan sawrkar tum tawh lo chet dan ni ber a, Midang rulh tura Mi pawisa puk a nuam tawl tumah kan ngai, "BJP Thalai chuan an ti bawk

BJP Thalai chuan, "BJP sawrkar na State dangah Good Governance a awm zel thin a, BJP sawrkar hi kum 2023 MLA General Election lo awm tur ah hian sawrkar turin hun i pe chhin ang u, chutah chuan BJP te nihna tak tak kan hre thei ang tih hi Mizoram mipui te kan sawm na a ni," an ti.