Aizawl: Champhai Bufallo Riders chuan March ni 5&6,2015 hian IIDC hmun, Zote ah Mizoram Enfield Kutpui an huaihawt dawn a, Mizorama Enfield bike nei zawng zawngte chu tel turin an sawm a. Riders meet ah hian 150 atanga 200 inkar vel tel thei turin an beisei a, kutpui an buatsaih chhan hi Enfield bike khalhtute inpawhtawn nan leh khualzin mite hip nan a nih thu an sawi. Nimin khan Aizawl Press Club-ah chanchinbu mite kawmin Champhai Bufallo Riders hruaitute chuan Riders meet chu Mizo culture entirna te, rider te intawhkhawm na leh hnam dang hipkhawmna tur niin an sawi a. Mizo mipui tan pawh sum hailuhna remchang a ni dawn an ti a. Meet chu Chapchar Kut denchhena buatsaih an ni tih sawiin Mizoram bakah Shillong leh Silchar atang pawhin biker engemawzaat an lo tel dawn niin an sawi. Meet a Enfield bike nei tel tumte chu Aizawl-ah chuan Lawma Enfield leh Biker gears, Khatla Peters Street dawrah Rs. 2000-in in register tur a ni a, online-a inregister duh tan www.champhaibuffalo.org-ah a inregister theih a, online chuan 2% discount a ni ang. A tan ni, March ni 5-a kal lo a, March ni 6-a kalte chu Rs. 500 an chawibelh a ngaih tur thu media te an hrilh a ni. %%%%%%%%%%