Aizawl February 11, 2023: Lunglei District Youth Congress Committee chuan Mizoram Engineering college, Lunglei Pukpui-a mi chu 3.02.2019 khanPrime minister in hawngin, zoram mipui a bikin chhimbial mipuite an lawm hle laia tun thlenga hawn a la ni lo chuan chhimbial rilru a tina hle an ti.

LDYCC chuan He Engineering college hi hmalak chho mek a nih angin 2019-2020 academic session a Civil engineering Department a tan tura ngaih a ni, an ti. Mizoram Engineering college hi sawrkar mek MNF sawrkar hian hmalak chhunzawm a hnekin, a puitlin hi an hlauah keini LDYCC te chuan kan ngai, tiin, "Kan chhimbial MNF MLA te pawh Mizoram Engineering College tih puitlin nana tha leh zung an seng duh lo hi LDYCC te chuan kan dem tak zet a, A thlangtling tu chhimbial mipuite min hmusitna ah kan ngai a ni," an ti.

Lunglei Congress thalai chuan college panna kawng siam that a la ni lo te leh tui leh electric pawh luh a la ni lo te hi, keini chuan a rilru nat thlak kan ti. Mizoram Engineering College-a puitlin thei nan LDYCC chuan an zui tur leh an vil zui reng tur thu an sawi.