ZALEN August 3, 2023 : BJP Mizoram President Vanlahmuaka chuan, "Tun hnaiah Mizoram chuan India ramah Pakhatna nihna a hauh leh hi a  zahthlâk leh hle a. Mizoram chu India ram State leh UT zinga leiba nei tam ber a ni mai ni lovin a sang lawr lak a. Hetiang dinhmuna Mizoram a din chhan leh a mawhphurtu chu – State Sorkar lo enkawl tawhtute leh tuna sorkar mekte vang a tih loh theih loh," tiin a sawi.

Hmuaka chuan media thenkhat hrilhin, "Thawhchhuah atanga chhut a, leiba ngah ber leh State hlim ber nih chu Mizo leh Kristian angin kan ram leh hnam tan a inhmeh lo," tiin a sawi a.

BJP Mizoram President chuan, “Mizoram First, Give Change a Chance” tih chu BJP Mizoram Pradesh an dinna tiin, "2023 MLA General Election hi bawhpelhlo turin Mizoram mipuiten kan ngaihven a ngai a ni," a ti bawk.

"He mi avang hian BJP Mizoram Pradesh chuan tawngkam leh thu chauh a hnathawk thiam sorkar ni lovin, a taka hna thawk thei sorkar hi kan neih thuai a ngai a ni tih hi kan dinna a ni." a ti.