Aizawl; Mi thahnemngaite hmalakna avangin Mizoram chuan Gas a hmu tha chho zel a, tun ang zela a hmuh that chuan Agent ten thla khat danah gas sem theih an beisei. May 2014 atang khan Mizoram in thla tin gas a hmuh thin chu a tam chho zel a, Mizoram quota hi thla tin metric ton 1650 (bur 116197) anih laiin July leh August thla ah chuan hei aia tam hi a hmu a ni. Mizofed thawktute chuan sawrkarin tan a lak hnuah gas dinhmun chu nasa takin a ziaawm niin an sawi a, mahse free sale tur erawh chuan a la harsa deuh dawn niin an sawi. Tunhnaia IOC Area Manager in 'gas agent ten pawisa an dahluh thatloh chuan duhsak theih an ni lo' nia a sawi chungchangah Mizofed thawktute chuan pawisa an dahlut tha niin an sawi a, Mizoram tan nuai 70 chuang IOC account ah an dah deuh reng niin an sawi bawk. September ni 1-11, 2014 chhung khan Aizawl ah ringawt pawh cylinder 1456595 sem a ni tawh a, hei hi gas harsat lai April thla a sem let deuh thaw a ni tawh a ni. Kumin chhunga Mizoram in Gas a dawn tawh dan Thla bur pangngai a lian January 119596 1004 February 102538 1008 March 101051 840 April 86002 534 May 84830 1044 June 93882 1572 July 125601 1596 August 128544 1240