ZALEN September 23, 2025: Palak bialtu MLA K. Hrahmo chuan India ram pumah GST tih hniam a ni chu chu ram mipuite tan malsawmna a ni a, Mizoram bik phei chu Sairang thleng rel a rawn lut ta bawk nen, malsawmna thuah hnih kan dawng a ni, a ti.

Kumin Independence Day-ah Prime Minister Narendra Modi chuan GST nest generation kalpui tum a nih thu a puan hnu lawkah September 22, 2025 atangin GST Net Generation Reforms 2.0 kalpui a ni ta chu lawmawm an ti.

GST 2.0 hi Prime Minister Modi-a'n mipui nawlpui nitin mamawh leh leh hralhnaah harsatna an tawh thin tihzangkhaina tura hmalakna pawimawh tak a ni. India ramin Kum 2027-a ram intodelh/ ram hmasawn (Viksit Bharat-2047) nih a tumna kawng pawimawh tak pakhat, huapzo hmasawnna, a teber atanga a lianber atana hmasawnna tluantling a thlen theina tura kailawn pawimawh tak a ni, a ti.

K. Hrahmo chuan Next Generation GST reform (GST 2.0) atanga hlawkna dawn tur te chu Chhiah chawi thin nasa takin a tlahniam ang a, mamawh neih phak ngai lohte neih phah theih a ni tawh dawn a, Lonetute tan malsawmna a ni a, sumdawngte leh eichawmzurte tan tax tlahniam hina nasa takin a pui dawn a, an sumdawnna a thang thei dawn a ni, a ti.